WAZIRI WA NCHI OFISI YA RAISI- TAMISEMI AHUDHURIA HAFL A YA UTIAJI SAINI UJENZI WA SOKO LA SAMAKI MKUYUNI.

Posted on: October 16th, 2024

Waziri wa Nchi Ofisi ya Rais-TAMISEMI Mhe, Omary Mohamed Mchengerwa amehudhuria   hafla ya Utiaji Saini Ujenzi wa soko la Samaki Mkuyuni akiwa kama mgeni rasmi leo Oktoba 16, 2024 katika Uwanja wa  Furahisha  Manispaa ya Ilemela.

Mhe, Mchengerwa amesema mradi huu ni moja kati  ya miradi inayotekelezwa kupitia Miradi ya uboreshaji Miji Tanzania (TACTIC) huku akimshukuru Rais Mhe Dkt, Samia Suluhu Hassani kwa kutoa Fedha nyingi katika Miradi ya maendeleo na kukiri kuwa huu ni utekelezaji wa Irani ya Chama Cha Mapinduzi.

Kwa upande wake Mkurugenzi wa Jiji la Mwanza Wakili, Kiomoni K. Kibamba na Mstahiki Meya wa Jiji la Mwanza Mhe, Sima C.Sima wametia saini mkataba wa makubaliano ya Ujenzi wa Soko la Samaki Mkuyuni ambalo litagharimu kiasi cha shilingi Bilioni 7.364  ambapo mradi huu utatekelezwa kupitia miradi ya uboreshaji Miji Tanzania (TACTIC)

Naye Mbunge wa Jimbo la Nyamagana  Mhe, Stanslaus Mabula ameishukuru serikali kwa niaba ya Wananchi na kusema Ujenzi wa Soko ukikamilika utawasaidia wafanyabiashara wa Samaki takribani 800 kukuza vipato vyao na kupunguza msongamano  katika Soko dogo la Mswahili.