Afya na Ustawi wa Jamii

MAFANIKIO YALIYOPATIKANA IDARA YA AFYA NA USTAWI WA JAMII 2016/2017

 Utangulizi

Halmashauri ya jiji la Mwanza ina jumla ya vituo 75 vya kutolea huduma za Afya. Pia ndani ya Wilaya kuna Hospitali ya Mkoa Sekoutoure na Hospitali ya Rufaa ya Bugando, Clinic zinazojitegemea, na vituo vinavyotoa huduma ya uzazi (PRINMAT) Mchanganuo wa vituo vya kutolea huduma za Afya ni kama ifuatavyo:

 Kazi zilizofanyika kwa mwaka 2015/2016 ni pamoja na 

• Usimamizi wa huduma za Afya ya uzazi na mtoto
• Huduma za Afya ya uzazi na mtoto zilifanyika kwa kusambaza vifaa vya uzazi na mtoto kwa vituo 35 kati ya vituo 68 vilivyopo Halmashauri ya Jiji ni sawa na asilimia 47%, pia vituo 28 sawa na aslimia 80 % vilitoa na vinaendelea dawa kwa akinamama wajawazito waliona na maambukizi ya VVU
• Upimaji wa maambukizi ya virusi ukimwi kwa wajawazito umeongezeka toka 64.2% mwaka 2015 hadi 78 % kwa mwaka 2016
• Wajawazito walihudhuria hudhurio la kwanza limeongezeka toka 97.4% 2015 hadi asilimia100 2016 na hudhurio la mara ya nne au zaidi toka 25.6% 2015 hadi asilimia 32.2 hudhurio la kwanza na hudhurio la nne au zaidi.
• Uzazi wa mpango umeendelea kutolewa kwenye vituo vyote 35 kwa aslilimia 32 mwaka 2015 hadi asilimia 33.2 kwa 2016 kwa kushirikiana na mashirika yasiyo ya kiserikali yakiwemo Engender Health, Maria Stopes na PSI
• Huduma za akinamama waliojifungulia vituo vya huduma 98.6% na kati ya hao asilimia 99 walihudumiwa na watoa huduma wenye ujuzi.

2. Utoaji wa huduma za Chanjo kwa watoto na wajawazito

Idara imepokea dawa za chanjo zifuatazo toka Mkoani kwa kipindi cha 2015 hadi 2016 Chanjo ya BC,chanjo ya Penta valent dozi, Chanjo ya Surua/Rubella, Chanjo ya bOpv Chanjo ya Pepopunda dozi (TTv), Chanjo ya PCv13,Chanjo ya Rotarix, Mabomba ya sindano 0.05ml, Mabomba ya sindano 0.5ml, Makasha maalumu ya (safety boxes)

Kuongezeka kwa vituo vya kutolea huduma za chanjo kutoka vituo 30 kwa mwaka 2015 hadi vituo 35 kwa mwaka 2016. Pia Kuendelea kuimarisha utoaji wa chanjo kutoka aslimia 100 kwa mwaka 2015 hadi asilimia 106 kwa 2016 kwa chanjo ya Penta valent 3.

Kuendelea kutoa huduma ya chanjo ya mkoba kwenye maeneo yasiyo na huduma za chanjo karibu, vituo vya Mahina, Igoma, Sahwa, Mkolani na Nyegezi Fumagila na Shadi.

3. UPATIKANAJI NA USAMBAZAJI WA MADAWA NA VIFAA TIBA KATIKA HOSPITALI, VITUO VYA AFYA NA ZAHANATI         2015/2016

Dawa muhimu (tracer medicines) zilipatikana kwa kiwango cha asilimia themanini na moja (85 %) katika vituo vya kutolea huduma za afya (15) Hospitali 1, vituo vya afya 2 na zahanati 12.vinavyomilikiwa na Halmashauri. Pia vituo vyote vilipata mgawo wa dawa za serikali kutoka MSD na kusambazwa.

Upatikanaji wa damu salama ni jumla ya lita 853 za mls 450 zilizopatikana ambayo ni sawa na asilimia 25% kati ya malengo ya lita 3400 kwa miezi 8.

Udhibiti wa magonjwa yaliyokuwa hayapewi kipaumbele kwa watoto wa shule za msingi wenye umri wa miaka 5 hadi 15 ambapo walengwa walikuwa 88,323 kati ya hao wanafunzi wa kike ni 45,267 wanafunziwa kiume ni 42,362. Jumla walIopata dawa za minyoo ya tumbo ni 86,237 ni sawa na asilimia 91.6 na walioata dawa za kichocho ni 86,127 sawa na aslimia 91.5%

4. UDHIBITI WA MAGONJWA YA MALARIA PAMOJA NA UTOAJI WA HUDUMA ZA TIBA 

Wagonjwa waliopimwa malaria 47,138, waliopimwa kwa kutumia mRDT ni 11,767 na BS 35371 Mama wajawazito walipimwa malaria 4911 kati yao 345 waligundulka na malaria Jumla ya akinamama wajawazito 9668 walipewa dawa za SP kukinga watoto walioko tumboni dhidi ya Malaria ,akinamama wajawazito 1142 pamaoja na watoto 844 walipewa vyandarua vyenye viuatilivfu vya muda mrefu kwa ajili ya kujikinga na malaria.

• Idara imefanikiwa kugawa vyandarua kwa wanafunzi wa shule za msingi jumla ya vyandarua 19,800 katika shule zote za msingi.
• Kufanya ukarabati wa vituo 13 vya kutolea huduma za afya kwa kutumia fedha za matokeo makubwa sasa kwa vituo vya afya 2,zahanati 11

5. UHAMASISHAJI WA JAMII KUJIUNGA MFUKO WA AFYA YA JAMII CHF/TIKKA

• Kuhamasiha kaya,Taasisi za srikali na zisizo za serikali pamoja na shule za sekondari kujiunga na mfuko wa afya ya jamii kumeongezeka kutoka wanachama hai 688 kwa mwaka 2015 hadi kufikia 1035 kwa mwaka 2016, na pia kuhamasisha na kushirikisha wanufaika wa mfuko wa TASAF kujiunga na mfuko hadi sasa tunajumla ya wanufaika toka TASAF 435.
• Kuundwa kwa Bodi ya Huduma za Afya ya Halmashauri ya Jiji ,kamati za afya za vituo 15, na kamati 18 za afya za kata na pia kufungua akaunti za kila kituo katika benki ya NMB Mwanza.

6. UDHIBITI WA UGONJWA WA UKIMWI.

        Kwa mwaka 2015/2016 mpango wa upimaji wa hiari umefanyika na kupima watu 49,086 kati ya hao wanaume ni 21,803,na                   wanawake27,283, kati ya hao walioonekana na maabukizi ni 3,973 wakike 2478 na wakiume 1,495

        Kwa kupitia upimaji unaoanzishwa na mtoa huduma wamepimwa watu 3,3215 kati yao 14681 ni wanaume na 18534 ni                          wanawake, waliopata maabukizi ni 2357 na kati yao 897 wanaume na 1460 wakike.

7. USIMAMIZI WA SHUGHULI ZA USTAWI WA JAMII

        Tumetengeneza vitambulisho vya wazee 5872 na kugawiwa ,Mashauri 239 yaliendeshwa kwa wanandoa wenye migogoro katika         familia zao, watoto kesi 213 zimetolewa hukumu na kesi 26 bado zinaendelea , wazazi waliokuwa hawatoi matunzo wamewapatia       watoto 246 wao matunzo yenye thamani ya Tsh 18,593,450 kwa njia ya kuandikishana ofisini ,Jumla ya watoto wa wanaoishi                 mitaani 1314 walifahamika ,watoto 179 wameondolewa na kuunganishwa na familia zao, Jumla ya kesi za watoto zipatazo 239             zimesikilizwa mahakamani kati ya hizo, jumla ya kesi 37 za watoto zilifunguliwa , kati ya hizo kesi 27 za ubakaji wa watoto,                     zilihukumia, kesi 6 watoto walifanya makosa, kesi 4 watoto kupewa ujauzito.

8. USIMAMIZI WA USAFI WA MAZINGIRA

Kiwango cha kaya zenye vyoo bora kimeongezeka toka 49% hadi 53% hii imetokana na kufanyika kwa kampeni ya usafi wa mazingira katika kata za Buhongwa, Lwanhima,Mkolani,Nyegezi,Luchelele,abatini,Igoma ,na Kishili.

Uhamasishaji wa jamii ulifanyika katika masuala yafuatayo -unawaji wa mikono mara kwa mara baada ya kutoka chooni,Katika maeneo yanayouza vyakula kama vile Hotel,Migahawa,na mama lishe /Baba lishe wateja kunawa mikono kwa maji safi na sabuni

Kutoa elimu ya afya kwa jamii katika kata zote 18 na mitaa 175 na pia kudhibiti milipuko ya magojwa ya kuambukizwa .

• CHANGAMOTO.
• Vifo vitokanavyo na uzazi kuongezeka toka 61 hadi 62 na vifo vingi vimetokea Hospitali ya rufaa ya Bugando na Hospitali ya Mkoa wa Mwanza Sekou-toure.
• Vifo vya watoto wachanga wa siku 0-hadi siku 28 mwaka 2015 ni vifo 374 na mwaka 2016 ni vifo 582
• Uhaba wa magari na uchakavu wa gari la chanjo lililotolewa mwaka 1997 na kuharibika mara kwa mara kusababisha utekelezaji wa shughuli kutofikiwa kwa asilimia 100%.
• Upungufu wa madawa ,vifaa dawa na vitendanishi katika vituo vya kutolea huduma vinavyomilikiwa na Halashauri ya Jiji .

 MIKAKATI YA IDARA 

Idara imeanza kujenga jengo litakalotumika kama wodi ya wanaume katika Hospitali ya Nyamagana.

• Kuendelea kufanya ufuatiliaji wa vifo vya watoto wachanga na vifo vitokanavyo na uzazi kwa kutoa elimu ya uzazi salama na matunzo ya watoto.
• Kuendelea kushirikiana na wamiliki wa vituo binafsi kuhakikisha wanatoa huduma sitahiki kwa jamii kwa kuzingatia miongozo ya serikali.
• Kuendelea kuhamasisha jamii kuchangia fedha ili kujiunga na mfuko wa afya ya jamii ili kuboresha huduma
• Kuendelea kufanya ukarabati wa vituo vyote vinavyomilikiwa na Halmashauri ya Jiji
• Kuhakikisha usimamizi shirikishi unafanyika katika vituo vilivyopangwa kwa wakati ili kuboresha huduma kwa jamii.
• Kuweka kwenye mipango ya Idara ya 2017/2018 kuhakikisha Vifaa na dawa kwa ajili ya huduma za uzazi vinapatikana muda wote kwa vituo vyote vya kutolea huduma