Mji wa Mwanza ulianzishwa mwaka 1892 kama Kituo cha Utawala na Kituo cha Biashara ili kudhibiti uzalishaji hasa wa maeneo ya pamba katika eneo la Ziwa Victoria. Mwaka wa 1978 Mwanza ilipata hadhi ya Manispaa kulingana na muundo wa Serikali za Mitaa ulioanzishwa mwaka 1972. Mwaka wa 2000, Mwanza iliendelezwa zaidi kuwa na hadhi ya Jiji.
Hili ndio Jiji la pili baada ya Jiji la Dar es Salaam
Mji wa Mwanza upo katika mwambao wa Kusini mwa Ziwa Viktoria kaskazini magharibi mwa Tanzania.
Jumla ya eneo 256.45km2 ambalo 184.90km2 (2/3 ya jumla ya eneo hilo) ni ardhi kavu na eneo jingine limefunikwa na maji.
Kati ya eneo la ardhi kavu lina eneo la mraba 184,90, takriban 94% ni mijini wakati maeneo yaliyobakia yanajumuisha ardhi yenye misitu, mabonde yaliyopandwa, nyasi na uharibifu wa maeneo ya milima.
Hali ya Hewa
Jiji la mwanza limekaa kwenye urefu wa mita 1,140 juu ya kiwango cha bahari.
Lina joto kati ya 25.7OC na 30.2OC katika msimu wa joto na 15.4oC na 18.6OC katika miezi ya baridi.
Mvua kwa mwaka kati ya 700 na 1000mm
Kulingana na Sensa ya Taifa ya 2012, idadi yawatu katika Jiji ilikuwa 363,452 (177,812 Wanaume na 185,640 wanawake). Idadi ya watu 2016 inakadiriwa kuwa watu 459,565.
Idadi ya wakazi wa mji wa Mwanza ni karibu watu 800,000 wakati wa siku. Hii ni kutokana na harakati kutoka miji na vijiji vya jirani wanaoingia kwa biashara ndogo ndogo na shughuli nyingine za kiuchumi mbalimbali.
