Waheshimiwa madiwani wapongeza juhudi zinazofanywa na hifadhi ya kisiwa cha saanane kusimamia hifadhi hiyo

Posted on: July 4th, 2019

Baraza la madiwani la Halmashauri ya Jiji la Mwanza limepongeza juhudi mbalimbali zinazofanywa na Uongozi wa hifadhi ya Kisiwa cha Saa Nane ikiwemo kuboresha miundo mbinu na tafiti zitakazowezesha kuongezeka kwa wanyama na kuvutia zaidi watalii wa ndani  ambao wanaongezeka kwa kasi kubwa .

Pongezi hizo zimetolewa mapema leo wakati wa ziara ambayo imefanywa katika kisiwa hicho kwa lengo la kujifunza na kujionea shughuli mbalimbali ikiwa ni sehemu ya majukumu yao kuisimamia Halmashauri  Kisiwa  cha saa nane kikiwa ni sehemu ya Halmashauri.

Kwa upande wake Mhifadhi Mkuu wa Kisiwa cha saa nane ameshukuru kwa kutembelewa na kuomba asaidiwe kutatuliwa changamoto wanazokumbana nazo kama Hifadhi ikiwepo uvuvi haramu ambao unahatarisha maisha ya viumbe hai waliopo majini na usalama wa maji pia    amesema kuwa ghuba ya  saanane ndipo mazalia ya samaki aina ya Sato yanapatikana

Akiongea kwa upande wa Halmashauri Mwenyekiti wa Kamati ya Mipango miji na Mwakilishi wa Mstahiki Meya ameahidi kuendelea kushirikiana na uongozi wa Hifadhi katika kuzitatua changamoto zinazoikabili hifadhi.

Hifadhi ya Kisiwa cha saa nane inapatikana katika Ziwa Victoria  na inapakana na kuzungukwa na kata ya  Nyamagana, Pamba, Igogo, Mkuyuni, Nyegezi, Luchelele, Butimba, Mkolani kwa Jiji la Mwanza na Nyamatongo Wilaya ya Sengerema

Wakati wa ziara pia iliwakutanisha Katibu wa CCM Mkoa wa Mwanza na Diwani wa Kata ya Mburahati Wilaya ya Ubungo Dar es Salaam ambayo aliambatana na mwenzake raia wa Kichina ambao baadae walipata fursa ya kuzungumza na wah. Madiwani na kuelezea dhamira yao ya kuwekeza Jijini Mwanza upande wa Uvuvi