Upangaji wa machinga wafikia hatua nzuri

Posted on: October 12th, 2021

Zoezi la kuwapanga machinga lafikia hatua nzuri jijini Mwanza.

Mkurugenzi wa halmashauri ya jiji la mwanza ameeleza kuwa  zoezi la kuwapanga wafanya biashara wndogo ndogo (machinga)  linaendelea vizuri na kwa ufasaha ikiwa ni pamoja na kuhakikisha wafanya biashara hao wanapata maeneo rafiki kwa biashara zao.

Akizungumza  kwa niaba ya mkurugenzi, mwenyekiti wa kamati ya upangaji wa wafanya biashara hao Desderius Pole  jana jumatatu tarehe 11 oktoba  2021 katika soko la mchafukuoga  amesema

 “Tulianza kwa kuyatambua maeneo na kuwatambua wafanya biashara wadogo wote waliopo katika jiji letu la mwanza tukishirikiana na uongozi wa machinga mkoa na wilaya. Katika kuwapanga wafanya biashara ndogo tulianza na soko lambugani, milongo na sasa tupo katika soko la mchafukuoga. Tumeboresha miundo mbinu kama vile mifereji ili kuepusha athari zitokanazo na maji pamoja na kusawazisha eneo la soko lakini pia tunavyo vyoo vya kisasa katika soko hili. Kwa sasa zoezi limefikia asilimia sabini  na kueleza  kuwa kufikia tarehe 15 oktoba mwaka huu zoezi litakua limekamilika”.

Kwa upande wao wafanya biashara ndogo ndogo wameeleza furaha yao juu ya jitihada za kuwapanga  kuwa haki imetendeka na  zoezi linaendelea kwa amani na usalama,

“zoezi limeenda vizuri, utaratibu uliotumika ulikua mzuri, haki imetendeka maana ulikua unaitwa majina yako unapewa namba namba na unahakikiwa kisha unatafuta namba yako kwenye eneo baada ya kuipata linakua eneo lako la biashara”. Hammad Athuman

• Zoezi la kuwapanga wafanya biashara wadogo katika jiji la mwanza lilianza mnamo tarehe  20 septemba 2021, ambapo lilianza kwa kuwatambua wafanya biashara wadogo wote waliopo katika jiji la mwanza na sasa linaendelea kwa kuwapangia  maeneo  yaliyo ainishwa. Hii nikatika kutekeleza agizo la mheshimiwa raisi wa jamhuri ya muungano wa tanzania samia suluhu hassan la kuwapanga wafanya biashara wadogo wote nchini alilolitoa mnamo septemba  2021.