UPANDAJI MITI NYAMAGANA KUELEKEA MAADHIMISHO YA SIKU YA WANAWAKE DUNIANI

Posted on: March 6th, 2024

Mkuu Wa Wilaya ya Nyamagana mhe, Amina Nassor  Makilagi  kuelekea  Maadhimisho ya siku ya wanawake duniani  ambayo huadhimiswa kila mwaka 8, March kwa kushirikiana na madiwani, kamati ya ulinzi na usalama, taasisi na mashirika mbalimbali na wanawake kutoka vikundi mbalimbali wameshiriki katika upandaji miti zaidi ya 1800 iliyopandwa katika shule ya msingi kishiri, Kanenwa na shule ya sekondari Fumagira na hii ni kwa sababu kishiri inawatu wengi hivyo itasaidia kupunguza  hewa ya ukaa  ambayo siyo rafiki kwa afya zetu.

Kutokana na watu kuwa wengi kishiri  Mkuu Wa Wilaya amewaagiza mratibu na timu yake kuhakikisha wanasimamia vyema miti iliyopandwa  ikuwe vizuri kwa manufaa yetu na kizazi kijacho  kwa kuwa TFS wamekuwa wakijitoa kutupatia miti kutoka kwenye vitaru vyao wanavyotumia gharama kuviotesha na hivyo itakuwa vyema tukiwafurahisha  kwa kuitunza.

Naye Diwani Viti maalum wa kata ya kishiri mhe, Magreti Paul ameahidi kutunza miti hiyo  hata kipindi ambapo kutakuwa hamna nvua, tutajitahidi kumwagilizia ili miti ikuwe tupunguze hewa ukaa ambayo ni hatarishi kwenye mazingira yetu.

Vilevile katika kuelekea   maadhimisho ya siku ya  wanawake duniani kwa  kutambua  umuhimu wa  watoto wa kike wamepatiwa taulo za kike  kwa ajili ya kujihifadhi na kumpatia mwalimu mlezi  aweze kuwapatia pindi wakipata changamoto  wakiwa katika mazingira  ya shule.

Pia kwa upande wa Lwanhima  Mkuu wa Wilaya  ameshiriki kupanda miti zaidi ya 500 katika shule ya sekunari Sahwa  na kuwataka wanafunzi kuitunza ili kuwa na mazingira rafiki ya kujisomea na kula matunda ili kuongeza  uwezo wa kufikiri, na amewataka wanafunzi kila mmoja kujichagulia mti wa kuutunza hadi ukue ili kutunza mazingira yetu.

Aidha kikundi cha wanawake kilijitolea kuwapatia wanafunzi taulo za kike kwa ajili ya kujihifadhi kipandi wapatapo changamoto ya hedhi wakiwa  shule na mwalimu mlezi alikabidhiwa box 2 kwa ajili ya matumizi ya watoto wa kike.

Mwisho Mkuu wa wilaya amewataka watoto wote kuhakikisha wanamiliki mti mmoja kwa kila mmoja na kuutunza hadi pindi pale anamaliza shule, nakuwahimiza wazazi wao pia kupanda miti nyumbani  kwa lengo la kupunguza hewa ya ukaa ambayo ni hatari katika mazingira yetu.