UJENZI KATIKA ENEO LA TRUCK -TEMINAL WASITISWA.

Posted on: January 12th, 2025

Mkurugenzi wa Halmashauri ya Jiji la Mwanza Wakili Kiomoni K. Kibamba  mapema leo January 12,2025 amewasili katika eneo la Truck- Teminal lililopo kata ya Buhongwa na kuwataka wanaoendelea na ujenzi kusitisha ujenzi huo.

Mkurugenzi Kibamba ameendelea kuueleza Umma kuwa kiwanja hicho ni Mali ya Halmashauri ya Jiji la Mwanza tangu mwaka 2007 na 2018 kilipimwa nakupatiwa hati huku fidia yake ilikuwa Milioni 216.

Naye Mkurugenzi amekiri kuwepo na hati mbili za eneo moja hivyo kumtaka mhusika anayejenga hapo kusitisha mpaka mwafaka utakapopatikana wa kupata hati moja ya umiliki wa eneo hilo huku akisisitiza kuwa eneo hilo litabaki kuwa mali ya Umma.

Kwa upande wake Ndg Daniel Damiani Mmiliki wa eneo hilo, ambae pia ni mmiliki wa Shule za Msabe ametoa ushirikiano kwa Halmashauri ya Jiji la Mwanza kwa kumueleza Mkurugenzi hatua zote alizopitia hadi kumiliki kiwanja hicho na kudai yeye ni mmiliki halali na kuahidi kumpa nyaraka za kiwanja hicho na kusema kuwa anaiheshimu Serikali.

Mkurugenzi Kibamba amemshukuru  Ndg, Daniel kwa ushirikiano wake huku akiahidi kuwachukulia hatua wote waliohusika kutoa hati juu ya hati ili kukomesha vitendo hivyo visijirudie tena.