Mkurugenzi akutana na wakuu wa shule kusisitiza agizo la Mheshimiwa Rais

Posted on: January 18th, 2018

Mkurugenzi wa Jiji la Mwanza Kiomoni Kiburwa Kibamba akutana Walimu wakuu wa shule za Sekondari na Misingi kusisitiza Maagizo na Maelekezo ya Mheshimiwa Rais

Mkurugenzi ameyasema hayo leo katika kikao alichokifanya na Maafisa elimu kata,wakuu wa shule na walimu wakuu  Katika Ukumbi Mkubwa wa Jiji. “Ninawaagiza kutotoza ama kupokea michango yoyote kutoka kwa wanafunzi ama wazazi .Mzazi yeyote mwenye hiyari ya kuchangia mchango huo atauleta  ofisini kwangu” amesema Kibamba

Mkurugenzi ameendelea kuwasititiza walimu hao kujikita zaidi katika kutoa taaluma nzuri itakayosaidia watoto wa kitanzania “Ninachohitaji ni matokeo mazuri hivyo ninawaomba mjikite zaidi katika suala la ufundishaji na udhibiti wa nidhamu za wanafunzi”

Ndg Kibamba ameendelea kuwataka Maafisa Elimu Kata kuwasimamia ipasavyo walimu na kuhakikisha wanatekeleza  wajibu wao ipasavyo “Tunataarifa ya Baadhi ya walimu ambao wanaendeleza migomo baridi na kuongea vitu vya hovyo hovyo ninawatakeni Maafisa elimu kata kuwasimamia walimu hawa bila ya uoga ili kuhakikisha wanatekeleza wajibu wao kikamilifu”

Mwisho Mkurugenzi amewataka walimu wote waliohudhuria mafunzo ya mtaala mpya kutoa semina kwa walimu wenzao ili kuwawezesha kuanza kuutumia katika kufundishia