MADIWANI MANISPAA YA KINONDONI WAFANYA ZIARA YA MAFUNZO JIJI LA MWANZA

Posted on: August 23rd, 2024

Msitahiki Meya wa Manispaa ya Kinondoni Mhe. Songoro Mnyonge, amefanya ziara  leo Agusti 22, 2024 katika Halmashauri ya Jiji la Mwanza akiwa ameambatana na waheshimiwa Madiwani kwa lengo la kujifunza  kwa vitendo namna tofautitofauti ya uendeshaji wa Miradi.

Mhe. Mnyonge akiwa katika ukumbi mkubwa wa Halmashauri ya Jiji la Mwanza ameweka bayana kuwa wamekuja kujifunza ambapo amesema kata ya Makunduchi na Msasani  ndiyo kata zinazozalisha samaki kwa wingi hivyo tutapenda kujifunza uzalishaji wa samaki kwa njia ya vizimba na suala la usafi hususani mbinu za ukusanyaji wa taka.

Naye Naibu Meya wa Jiji la Mwanza Mhe. Bhiku Kotecha amehitimisha kwa kuwapongeza Madiwani na Uongozi wa Manispaa ya Kinondoni kwa kujenga Uwanja mzuri wa Mpira nakuwashauri waweke taa.