Kamati ya siasa yakoshwa na utekelezaji wa miradi ya maendeleo na Jiji la Mwanza

Posted on: May 17th, 2018

Kamati ya siasa ya Chama cha Mapinduzi  yafurahishwa kwa namna Halmashauri inavyotekeleza miradi ya Ujenzi wa Madarasa  na Vyoo kwa Ufanisi

Kamati ya siasa ya Chama Tawala imefanya ziara ya kukagua miradi ya maendeleo inayotekelezwa na Halmashauri ya Jiji la Mwanza kwa mwaka wa fedha 2017/2018. Miradi iliyokaguliwa ni pamoja na Ujenzi wa  madarasa  shule ya Msingi Nyangulugulu,Ujenzi wa Matundu ya Choo Mahina Sekondari , Kituo cha Afya Igoma , Machinjio ya Kisasa –Mhandu, Ujenzi na  Ukarabati wa madarasa Igoma C, Ujenzi wa Vyoo Kishiri shule ya Msingi, na Ujenzi wa Madarasa Fumagila.

Kamati ya siasa  ikiwa shule ya Msingi Kishiri walikoshwa kwa namna Uongozi wa  kata unavyoshirikiana na  Viongozi wa Mitaa na Ungozi wa shule kutekeleza maendeleo  “ Tumefurahishwa sana kwa namna mnavyofanya kazi kwa uwazi na ushirikiano mkubwa  mmesema mlipewa Fedha kwa ajili ya Matundu tisa tu ya choo  lakini mkajenga kumi na moja kwa kweli huu ndio uzalendo unaohitajika ‘’alisema Mwenyekiti wa Chama wilaya

 Aidha kwa utendaji huo uliotukuka  Kamati ya siasa ya wilaya iliagiza Mkurugenzi  Kumpandisha  cheo Kaimu Mtendaji wa Kata ya Kishili Ndugu John Mwakilasi  kuwa Mtendaji wa Kata .Akizungumza Mkurugenzi wa Jiji la Mwanza  Ndugu Kiomoni Kibamba alihaidi kujenga madarasa mengine mawili kwenye hiyo shule na kuongeza walimu wanane kwa ajili ya kutimiza Ikama

                                                    sehemu ya kusafishishia mikono na nyama kwenye machinjio ya kisasa - Mhandu

Muonekano wa choo kilichojengwa Shule ya Msingi Kishili