KAMATI YA SIASA YA HALMASHAURI KUU YA CCM MKOA WA MWANZA YAKAGUA MIRADI YA KIMKAKATI NYAMAGANA.

Posted on: May 27th, 2024

Mwenyekiti wa Kamati ya Siasa ya Halmashauri Kuu ya CCM Mkoa wa Mwanza Ndg. Michael Lushinge Masanja   Leo Mei 27, 2024 ameiongoza kamati hiyo kukagua Miradi mitano ya Maendeleo ya kimkakati yenye thamani ya Bilioni 66 inayotekelezwa na Halmashauri ya Jiji la Mwanza na Taasisi Nyingine mbalimbali Jijini Mwanza Chini ya uongozi wa Serikali ya awamu ya sita   Inayoongozwa na Rais Mhe. Dkt. Samia Suluhu Hassan.

 Ukaguzi huu wa Miradi ya Maendeleo umefanywa ikiwa ni utekelezaji wa ilani ya Chama Cha Mapinduzi (CCM). Miradi ambayo imekaguliwa ni pamoja na Mradi wa ujenzi wa Soko Kuu la Kisasa lililopo mjini Kati ambalo limefikia  asilimia 95, Mradi wa Gati la maegesho ya Meli ya Mv. Mwanza Hapa kazi tu,uliopo eneo la  Mwanza Kasikazini. Miradi mingine ni Chanzo cha Maji kilichopo Kata ya Butimba ambao  umekamilika kwa asilimia 100, ujenzi na uboreshaji wa Zahanati  kuwa Kituo Cha Afya Mkolani ambao umekamilika kwa asilimia 100 na ujenzi wa mradi wa Barabara ya Buhongwa - Igoma ambao umefikia asilimia 30.

Akizungumzia  mradi  wa Barabara ya Buhongwa- Igoma Ndg. Michael Masanja amemuagiza Mkuu wa Mkoa wa Mwanza Mhe, Said Mtanda kuhakikisha anausimamia mradi huo kwa ufasaha Ili uweze kukamilika kwa wakati na kuanza kazi mara moja ikiwa ni sambamba na kumtaka  Mhe. Mtanda kushughulikia utatuzi wa mvutano uliopo kwa watu wa TANESCO na Idara ya maji kuhusu kutoa mitambo yao katika eneo ambalo barabara inajengwa ili kuharakisha ujenzi wa barabara kukamilika   kwa wakati.

 Mwisho Ndg. Michael amehitimisha kwa kuutaka uongozi wa Halmashauri ya Jiji la Mwanza, kutenda haki pindi tu ujenzi wa soko hilo utakapokamilika kwa kuwapa kipaumbele wale wote  waliokuwa wakifanya biashara  eneo hilo hapo awali.