Halmashauri ya Jiji la Mwanza yapongezwa

Posted on: June 26th, 2024

Mkuu wa Mkoa wa Mwanza Mhe. Said Mtanda ameipongeza Halmashauri ya Jiji la Mwanza kwa kuendelea kupata Hati safi kwa miaka mitano mfululizo kutoka Ofisi ya Mdhibiti Mkuu wa Hesabu za Serikali. 

Mhe. Mtanda ametoa pongezi hizo Leo wakati wa kikao Maalum cha Baraza la Madiwani wa Halmashauri ya Jiji la Mwanza na wakuu wa Idara na Vitengo chenye dhima ya kupitia mapendekezo ya (CAG) na namna yalivyoshughulikiwa. Katika hatua nyingine Mhe. Mtanda amelitaka Baraza la Madiwani kuendelea kusimamia shughuli na miradi mbalimbali inayotekelezwa katika Jiji la Mwanza kwani kupata Hati safi ni hatua Moja na kuendelea kuilinda ni hatua nyingine na kwamba wasitetereke katika kusimamia majukumu yao.

Aidha amemtaka Mkurugenzi wa Halmashauri ya Jiji la Mwanza Wakili Kiomoni Kiburwa Kibamba Kisagala  kuendelea kusimamia msimamo wake na kuhakikisha anakusanya mapato kwa maendeleo ya Halmashauri na Mkoa kwa ujumla na kumtaka kutoyumbishwa hata kama atakuwa anagusa maslahi ya mtu. “Nakupongeza Mkurugenzi Kibamba kwa ‘Tone’ uliyokuja nayo hakikisha unasimamia maslahi ya Umma na ikiwezakana na huo Mkeka wa watu waliokabidhiwa Hati za viwanja bila kulipia niletee  na mimi nianze nao bila kujali ni nani na ana cheo gani’ amesema Mtanda.

Ameendela kusititiza umoja na mshikamano kwa Wakuu wa Idara na wafanyakazi wa chini kuwa kitu kimoja Ili kutembea kwenye lugha Moja na kuhakikisha kuwa watumishi wote wa Umma mnawaza kuwatumika wananchi na wala si vinginevyo.

Kwa upande wake Meya wa Halmashauri ya Jiji la Mwanza Constantine Sima ame ahidi kuendelea kufanya kazi kama timu na kuhakikisha wananchi wanapata Maendeleo.