CHUO CHA ULINZI CHA TAIFA TANZANIA (NDC) WAFIKA MWANZA JIJI KUJIFUNZA.

• 

  Halmashauri ya Jiji la Mwanza imepokea wageni kutoka Chuo cha Ulinzi cha Taifa Tanzania ( NDC ) Waliofika tarehe 08 Januari, 2024 kwa lengo la kujifunza mambo mbalimbali yakiwemo ya kiuchumi, Mazingira, kilimo, mifugo na Uvuvi, Biashara na maendeleo ya Jamii kwa ujumla ndani ya Jiji la Mwanza. Wageni hawa kutoka Chuo cha Ulinzi cha Taifa Tanzania ( NDC ) Wameongozwa na Maj. General Willbert Augustine Ibuge ambaye ni Mkuu wa Chuo cha Ulinzi cha Taifa Tanzania na kupokelewa na Kaimu Mkurugenzi wa Jiji la Mwanza Ndugu Peter Juma Lehhet. Akizungumza katika mapokezi ya wageni hao Ndg. Peter Juma amewakaribisha sana na kuwakutanisha na Wataalamu mbalimbali ili kwa pamoja wawezeshe ujifunzaji kwa wageni hao. Sambamba na kujifunza, wageni hao wameweza kutembelea miradi mbalimbali iliyokamilika na inayoendelea ikiwemo mradi wa Soko kuu, Stendi kuu ya Mabasi Nyegezi na Daraja la Magufuli.