MKUU WA WILAYA YA NYAMAGANA AWATAKA WANANCHI KUU ENZI NA KU UTHAMINI MUUNGANO.

Posted on: April 26th, 2024

Mhe. Amina Nassoro Mkilagi Mkuu wa wilaya ya Nyamagana leo tarehe 26April, 2024 amewataka Wananchi wa  Mtaa  wa  Majengo - Nyegezi  Wilayani Nyamagana kuu enzi na kuuthamini Muungano  wa Tanganyika na Zanzibar  ili kuendelea kulinda Amani, upendo na  Mshikamano  uliopo  kwa faida ya kizazi kilichopo na vizazi vijavyo.

Mhe. Makilagi ameyasema hayo wakati akizungumza na wananchi wa Majengo katika Shule  Mpya ya Majengo Shule ya Msingi ambapo amewaeleza wananchi kuwa zipo faida nyingi tunazo furahia sasa ambazo kupitia Muungano huu tumezipata ikiwemo maendeleo lukuki yaliyoletwa na Waasisi wetu pamoja na Mama yetu Rais Samia Suluhu Hassan.

Maadhimisho haya Wilayani Nyamagana yameenda sambamba na zoezi la kupanda miti na kufanya usafi, ambapo Wananchi pamoja na Wanafunzi  wa eneo la Majengo Kata ya Mkolani  wameungana kuadhimisha siku hii muhimu na jumla ya miti elfu moja (1000) imepandwa katika Shule ya  Msingi Majengo.

Mhe. Makilagi amewasisitiza Wananchi wote wa eneo la Majengo kuhakikisha wanailinda na kuitunza vema miti yote iliyo pandwa ili iwafae baadaye kwani ni muhimu kwa wanafunzi kwakuwa itawapatia matunda, kivuli na urembo utakao ifanya Shule ya Msingi Majengo kuwa na mazingira ya kuvutia kwa wanafunzi, Walimu na wananchi kwa ujumla.