Mhe.Makalla akagua Uandikishaji watoto wa Darasa la Kwanza na awali

Posted on: January 9th, 2024

Ikiwa ni january 09-2024 Mkuu wa Mkoa,  Kamati ya siasa na wataalam kutoka Halmashauri ya Jiji la Mwanza wametembelea Shule ya Msingi  Kanenwa iliyopo kata ya Kishiri na  shule ya sekondari Mirongo  iliyopo kata ya Mbugani   nakutoa nasaha zao kama viongozi.

 Mheshimiwa CPA  Amos Makala  amepokea taarifa ya shule ya Msingi Kanenwa  iliyojengwa kwa mradi wa Boost   uliogharimu kiasi cha  Tsh million 540 ikiwa na jumla ya Madarasa 16 ambayo 14 ni ya Elimu msingi na 2 ni kwa ajili ya watoto wa awali na matundu ya vyoo 27 na jumla  ya wanafunzi 250 wamesajiliwa  na wengine 654 wamehamia kutoka Bukaga shule ya  msingi, suala ambalo limesaidia  kuepusha usumbufu kwa wanafunzi waliyokuwa wakitembea umbali mrefu kufata huduma ya Elimu.

CPA Amos Makala mkuu wa mkoa wa mwanza amesema "Shule zote za Mwanza zimesajiliwa kwa mujibu wa sheria"  hivyo anatoa pongezi kwa wazazi kwa mchango waliyoutoa katika ujenzi wa shule ya Kanenwa na kwa jitihada zao za kuwaleta watoto kusoma anawahimiza waendelee kutilia mkazo suala la elimu kwani ni haki ya mtoto kusoma.

Vilevile Mkuu wa Mkoa ameuagiza uongozi wa Halmashari ya jiji  kuhakikisha maji na umeme vinafika kwa wakati ili kukidhi miundombinu ya shule  kwa kuwafanya wanafunzi kuwa na mazingira rafiki ya kujisomea.

Mkuu wa mkoa wa mwanza  amekagua ujenzi wa madarasa kwa mfumo wa Ghorofa katika shule ya Sekondari  Mirongo iliyopo kata ya Mbugani  yenye "wanafunzi 1264  na wanafunzi waliochaguliwa kulipoti hapo ni 223 ikiwa wavulana ni106 na wasichana ni 117 hivyo tu baada ya idadi  hiyo kukamilika wanafunzi watafundiswa kozi ya awali ya kingereza kwa majuma 6"kama utaratibu ulivyowekwa na shule hiyo lipoti hiyo imetolewa na miss Masenya mkuu wa shule.

Vilevile Mbunge Mhe Stansilaus  Mabula na Katibu wa chama cha mapinduzi Ndg, Robert Karega  wameishukuru serikali kwa kuendelea kutekeleza IIani ya chama cha mapinduzi kwa ujenzi wa madarasa, pia wamewashukuru wananchi kwa kuendelea kuunga mkono jitihada zinazofanywa na serikali ili kuhakikisha watoto wanapata haki yao ya elimu pasipo kipingamizi.

Waalimu wametakiwa kuhakikisha wanafunzi wanaripoti shule kwa wakati na kutambua idadi ya wanafunzi ambao hawatafika na sababu zinazowafanya wasifike shule kabisa na kutoa taarifa kwenye  ofisi zao za kata kwa uchunguzi zaidi kwani kila mtanzania anayo haki ya kupata elimu.