KATIBU MKUU WA JUMUIYA YA UMOJA WA WANAWAKE TANZANIA AFANYA ZIARA KUKAGUA MIRADI YA MPANGO MKAKATI WILAYA YA NYAMAGANA 2024/2025

Posted on: August 12th, 2024

Katibu Mkuu wa Jumuiya ya Umoja wa Wanawake Tanzania Ndg, Suzan Peter Kunambi (MNEC)amefanya ziara ya ukaguzi wa miradi ya kimkakati  katika Wilaya ya Nyamagana leo  Agosti  12,2024 huku akitaka kujua namna Ilani ya Chama Cha Mapinduzi inavyotekelezwa

Katika ziara hiyo Ndg, Suzan Peter Kunambi (MNEC) Amekagua na kuzindua Mradi wa vyerehani Katika Ofisi za Ccm wilaya ,unaomilikiwa na Umoja wa Wanawake  Mwanza, ambao walifadhiliwa na Mbunge wa Viti maalum  Mhe Kabula Shitobero, licha ya uzinduzi huo kufana  wamiliki wameshauriwa kuukuza mradi huo kwa kuwaomba  wengine kuongeza vyerehani vya kisasa na kuhakikisha wanakuwa na mhasibu watakaemuamini kwenye suala la pesa ili kuondoa migogoro inayohusiana na mradi huo.

Ndg,Suzan Peter Kunambi (MNEC) ambaye ni Katibu Mkuu Jumuiya ya Wanawake Tanzania (UWT)ameweza kukagua miundombinu ya Shule ya sekondari Stanslaus  Mabula yenye jumla ya wanafunzi 82 na Shule ya Msingi Kanenwa zilizopo kata ya Kishiri,   nakuwapongeza waliyosimamia miradi kwani imekamilika vizuri pasipo na shaka huku akizitaja kuwa shule bora za mfano nakuwahimiza wazazi kuwasomesha watoto kwakuwa serikali imewasogezea wanachi  miundombinu ya shule karibu huku pia akiwaambia wanafunzi waitunze kwa kuwa itatumika kizazi na kizazi .

Pia Ndg, Suzan Peter Kunambi (MNEC) amewataka wananchi wa Kishiri, kujitokeza kujiandikisha kwenye uboreshaji wa Daftari la kupiga kura linalotarajia kuanza Agosti 21-28 , 2024  huku akisisitiza anaetakiwa kujiandikisha ni Mwenye Miaka 17 nakuendelea  na amewataka wanawake kujitokeza kugombea nafasi mbalimbali katika serikali  huku akisisitiza waoneshe uthubutu na uwezo wao.

Naye, Meneja Tarura Jiji  la Mwanza Ndg, Dastani kishaka amewasilisha taarifa ya ujenzi wa Barabara ya kiwango cha lami inayojengwa  Buhongwa -Igoma yenye urefu wa Km 14.4 na ujenzi umefikia asilimia 45 na unagharimu kiasi cha  bilioni 22.7 bila VAT na unakaribia kukamilika tarehe 29 Feb, 2025  naKatibu Mkuu wa umoja wa Wanawake Tanzania (UWT)baada ya kupokea taarifa hiyo amesisitiza mradi usimamiwe na kuisha kwa wakati ili kufungua  fursa  kwakuwa itakuwa chachu ya maendeleo kwa watanzania.

Mbunge wa viti Maalum Mhe, Kabula Shitobero amewataka wazazi kuwajibika katika Malezi, ili kukomesha vitendo vya unyanyasaji wakijinsia huku akisema kati ya watoto 3 wa kike 1 kafanyiwa ukatili wa kijinsia na katika 7 wakiume 1 kafanyiwa ukatili hivyo basi amesisitiza wazazi  kutowapa watoto vitu hatarishi kama simu vinavyopelekea mmomonyoko wa maadili na kuacha Tamaduni zilizopitwa na wakati na kutoa taarifa kunakohusika pindi tu mtoto anapofanyiwa unyanyasaji wa kijinsia.

Ndg, Suzan Peter kunambi (MNEC)  amewataka wananchi kuchangamkia fursa za Mikopo ya 10% inayotolewa kwa wanawake 4% , vijana 4% na walemavu 2% ambapo mpaka sasa kuna zaidi ya Billioni mbili kwa ajili ya mikopo kwenye Halmashauri ya Jiji la Mwanza, hivyo amesisitiza watu wapewe elimu nawakipeswa  ili kupunguza mikopo inayoumiza wananchi.

Wananchi wametakiwa kujikita katika matumizi ya Nishati safi  ya kupikia. ikiwa ni mpango wa Rais Dr, Samia Suluhu Hassan ili kuondoa uchafuzi wa mazingira, Moshi wa muda mrefu unaopelekea kuoza kwa mapafu hivyo kuja na sera hiyo ambayo utekelezaji wake unaenda hadi 2035 ili kuhakikisha kila mwananchi anajikita katika nishati safi.