HALMASHAURI YA MONDULI YAPATA MAFUNZO

Posted on: January 9th, 2025

Baraza la Madiwani wa Halmashauri ya Monduli pamoja na wataalamu wametembelea katika Halmashauri ya Jiji la Mwanza leo  Januari 9,2025 kwa lengo la kujifunza  mambo mbalimbali  ikiwemo namna bora ya  ukusanyaji wa mapato pamoja na namna ya utekelezaji wa miradi inayomilikiwa na Halmashauri ya Jiji la Mwanza.

Hata hivyo baraza hilo la Madiwani na wataalamu wameambatana na Mkuu wa Wilaya ya Monduli Mhe. Festo Shemswaga         na Mkurugenzi wa Halmashauri hiyo.

Aidha  Madiwani pamoja na wataalamu hao wamepata fursa ya kutembelea katika mradi wa ufugaji wa samaki kwa njia ya Vizimba  uliopo kata ya Luchelele na kujifunza namna bora ya ufugaji na faida za mradi huo.

Mwisho Baraza la madiwani na wataalamu walipata nafasi ya kutembelea Kisiwa cha Saa nane ili kujionea vivutio na uzuri wa kisiwa hicho kilichopo katikati ya maji katika Ziwa Victoria.