HALMASHAURI YA LUDEWA YAFANYA ZIARA MWANZA.

Posted on: September 3rd, 2024

Mkurugenzi wa Halmashauri ya Ludewa  Ndg Sande Deogratias akiwa ameambatana na wataalaamu leo tarehe 03 sep, 2024 amefanya ziara ya kikazi katika Halmashauri ya Jiji la Mwanza kwa Lengo la kujifunza ufugaji wa samaki kwa njia ya vizimba.

Ikiwa Mradi wa ufugaji wa Samaki kwa njia ya vizimba ni moja ya mradi unaofanya vizuri katika miradi ya mpango mkakati iliyopo katika Jiji la Mwanza hivyo wakaona ni vyema kuja kupata elimu ya ufugaji huo wa samaki ili wakautumie katika ziwa Nyasa kwa kufanya uwekezaji mkubwa na wenye tija utakayoiongezea  Halmashauri hiyo mapato.

Vilevile wataalamu hao wameweza kufika  Eneo la kisoko lililopo Luchelele ambapo uwekezaji wa samaki kwa njia ya vizimba unafanyika ili kupata elimu kutoka kwa  Maafsa uvuvi  wa Jiji la Mwanza wakiongozwa na Ndg, Suzani ambapo wameeleza zaidi ya vikundi 15 vimenuafaika na wameeleza hatua zote za kufanya mpaka mradi kukamilika ikiwa ni pamoja na kujisajili ili kutambulika na kupewa kibali cha Uvuvi wa samaki kwa njia ya vizimba .

Mkurugenzi wa Halmashauri ya Ludewa akiwa ameambatana na wataalaamu

Nao wageni kutoka Halmashauri ya Wilaya ya Ludewa wameshukuru kwa ushirikiano na kuahidi yote waliyojifunza wanakwenda kuyafanyia kazi.