HALMASHAURI YA JIJI LA MWANZA YATENGA BILIONI 2.5 UJENZI BARABARA ZA MITAA MWAKA WA FEDHA 2025/2026

Posted on: March 13th, 2025

Kamati ya usalama  Wilaya ya Nyamagana ikiongozwa na Mwenyekiti wake Mhe, Amina Nassor Makilagi  wamefanya ziara ya kukagua Barabara zinazojengwa kwa kiwango cha zege na Mawe mnamo Machi 13,2025

Halmashauri ya Jiji la Mwanza kupitia mapato yake ya ndani hutenga 10% kwa ajili ya ujenzi wa Barabara ambapo zimetengwa shilingi Bilioni 2.5 kwa mwaka wa fedha 2025/2026 kwa ajili ya ujenzi wa Barabara za Mitaa ndani ya Nyamagana.

Mhe Makilagi na kamati yake wamekagua Barabara ya Nyashana iliyopo kata ya Isamilo, vitunguu,Rwagasore, Soko kuu kata ya Pamba, kijereshi kata Mhandu, St.Marry’s kata Igoma,Fumagira kata Kishiri na Ipuli kata ya Mahina  na kumtaka mkamdarasi anayesimamia Barabara hizo kuzijenga katika ubora huku akisisitiza nguvu kazi iongezwe ili miundombinu ya Barabara hizo ikamilike kwa wakati.

Naye  Mhandisi Datani Kishaka kutoka Tarura ambaye ni msimamizi wa mradi amepokea maelekezo kutoka kwa kamati ya usalama na kuahidi kumaliza Miradi kwa wakati.

Vilevile Kaimu Mkurugenzi wa Jiji la Mwanza Bw. Jeremiah Lubeleje amesema Halmashauri ipo tayari kutoa fedha za ujenzi wa Miundombinu ya Barabara za Mitaa ili zikamilike kwa wakati uliopangwa.

Mhe Makilagi amesisitiza Miundombinu ya Barabara hizo kukamilika kwa wakati  nakueleza kuwa hakutokuwa na muda wa nyongeza.