Mkuu wa wilaya ya Nyamagana agawa vifaa vya shule kwa wanafunzi walioathirika na janga la moto

Posted on: July 19th, 2019

Mhe Mkuu wa wilaya ya Nyamagana Dkt Phillis Nyimbi amekabidhi Vifaa vya Shule kwa wanafunzi walioathirika na Janga la moto lilotokea Usiku wa Jumatano katika Shule ya Sekondari Mkolani.

Akikabidhi Vifaa hivyo Dkt Nyimbi amesema kama Kamati ya Ulinzi na Usalama ya wilaya wakishirikiana karibu na Kamati ya maafa wameshachukua hatua ya kuunda kikosi kazi cha kuchunguza  chanzo cha tukio la moto .

Dkt Phills Nyimbi amesema kinachoshangaza zaidi ni Moto kuunguza Chumba namba 27,37 na 47

Akizungumza Mkurugenzi wa Jiji la Mwanza Kiomoni Kibamba ambaye pia ni Mwenyekiti wa Kamati ya Maafa, amewahasa wanafunzi kutumia vyema miundo mbinu ya Shule hususani vyoo kwa kutotupa taulo za kike ndani ya vyoo suala linalosababisha vyoo kuziba na kupelekea  mlipuko wa magonjwa.

Jumla ya Magodoro 12, mashuka 24 madaftari makubwa 60, Kalamu,mafuta na sabuni zimetolewa kwa waanga wa tukio la moto.