Mwanza Jiji Waanzisha Mahusiano na Jiji la Tulsa - Oklahoma Marekani

Posted on: October 27th, 2023

Halmashauri ya Jiji la Mwanza imeanzisha rasmi mahusiano na Jiji la Tulsa - Oklahoma nchini Marekani yenye lengo la kuimarisha Mwanza Jiji katika sekta za kijamii na kiuchumi.Akizungumza na wageni hao kutoka Tulsa - Oklahoma katika halmashauri ya Mwanza Jiji tarehe 25 Oktoba,2023, Mstahiki Meya wa Jiji la Mwanza Ndg. Sima Constantine Sima amesema "Dhamira kuu ya Jiji la Mwanza ni kuimarisha mahusiano na Jiji la Tulsa Oklahoma ili kupitia mahusiano haya,tuweze kuboresha miundo mbinu katika sekta za elimu,mazingira,afya na uchumi kwa ujumla ikiwa ni pamoja na kubadilishana wataalamu ili kuweza kupunguza changamoto mbali mbali ndani ya jamii zetu." Amesema Mstahiki Meya.

Naye Mstahiki Meya wa Jiji la Tulsa - Oklahoma Ndg. George Theron Bynum IV amesema kuwa mahusiano haya ya kijamii,kielimu,kiafya na kiuchumi yatasaidia pia Jiji la Tulsa - Oklahoma kunufaika zaidi katika suala la utamaduni pamoja na kupata waalimu watakaotoka Mwanza kwenda kufundisha somo la Kiswahili Jijini Tulsa.

Naye Mratibu wa mahusiano ya miji Dada katika Jiji la Mwanza Ndg. Billy Brown (kushoto), amesema" Mahusiano haya yanatusaidia kutengeneza fursa zenye manufaa kwa jamii yetu ya Mwanza Jiji ikiwa ni pamoja na kuunga mkono juhudi za serikali katika kutekeleza miradi ya maendeleo. " Amesema Billy"