Mkuu wa wilaya ya Nyamagana azindua Kamati ya Uhishaji anuani za Makazi Jijini mwanza

Posted on: March 4th, 2018

Akizungumza wakati wa Uzinduzi huo ndugu Marry Tesha Onesmo ameipongoza Ofisi ya Waziri Mkuu,na Ofisi ya Rais Tamisemi kwa Kushirikiana na Wizara ya Mawasiliano kuanzisha zoezi la Uhishaji anuani za Makazi kwa wananchi

Ndugu Marry Tesha ana imani kubwa na Kikosi kazi kilichoundwa na Halmashauri katika kutekeleza zoezi hili kuwa kikosi kazi kitafanya kazi kwa uadilifu ,Umakini na kwa kuzingatia taratibu sheria na kanuni za kazi.

“Ni Imani kuwa zoezi hili likikamilika litaupendezesha Mji wetu wa Mwanza na pia litarahisisha upatikanaji wa huduma mbalimbali za kijamii kama vile suala la ulinzi na usalama,huduma za posta,Tanesco, Zima moto n.k” amesema Mheshimiwa Tesha.

Akizungumza wakati wa uzinduzi huo Mwenyekiti wa kamati ya Kitaifa ya anuani za Makazi NdgMathius Mkoya  amesema zoezi hili lilimekwisha anza kwa baadhi ya Majiji na Manispaa hapa nchini na zimefanya vizuri sana .

“Wananchi wamekuwa na Mwitikio mkubwa sana kupata anwani za makazi,zoezi hili limefanya vizuri Dodoma,Arusha na Dar es salaam, ni imani yangu kuwa Mwanza pia mtafanya vizuri’ Amesema ndugu Nkonda.

Aidha  Mathius  amesema hitaji hili kwa sasa limekuwa ni hitaji la shirika la posta duniani, watu wengi wamekuwa hawatambuliki wanakoishi lakini kwa sasa kupitia zoezi hili kila nyumba na mtaa itapewa namba  kwa ajili ya utambulisho

Ndugu Mathius amesema kwa sasa Mamlaka ya Mawasiliano Tanzania imeshaandaa Anuani za Makazi za Mikoa mpaka   Kata zote nchini kwa kupewa tarakimu