Mkuu wa wilaya ya Nyamagana apokea mifuko 127 ya saruji kutoka NBC

Posted on: May 28th, 2024

Mkuu wa Wilaya Mhe. Amina Makilagi amewapongeza Benki ya Biashara NBC Tawi la Mwanza kwa kujitoa kuchangia Ujenzi wa miuondombinu ya elimu kwenye Wilaya ya Nyamagana, Mkoani Mwanza.

Mhe. Makilagi ametoa pongezi hizo Leo alipokuwa akipokea Mifuko ya Saruji 127 kutoka Benki ya NBC, ikiwa ni mwendelezo wake wa kutoa misaada ya ujenzi wa Vyumba vya madarasa Ili kufikia azima ya Wilaya ya Nyamagana ya ujenzi wa vyumba vya madarasa 100 Kila Mwaka.

Mhe. Makilagi amesema Wilaya ya Nyamagana inamapungufu makubwa ya vyumba vya madarasa na hii ni kuutokana  na Wilaya hiyo kupokea watu wengi zaidi na kupelekea watoto kuwa wengi kuliko miuondombinu halisi.

“ Ndiyo maana nikaja na kampeni ya uchimbaji wa Misingi kwa nguvu za wananchi na wadau wa wamaendeleo na hadi sasa Vyumba zaidi ya 150 vimejengwa huku Shule sita zikiwa zimekamilika kwa asilmia 100,” amesema Makilagi.

“Niwahakikishe NBC kila mchango wenu utafika sehemu husika na nitawaomba, niwapitishe kwenye miradi ambayo mlichangia na Sasa wanafunzi wanasoma kama Ulaya mfano mdogo ni shule ya Msingi Samia pale Igoma, nguvu za wananchi NBC  na Mhe. Rais Samia alipoona, akatoa milioni 240 na kumalizia majengo yote, “ Amesema Mhe .Makilagi .

Aidha Mhe. Makilagi amewaomba wananchi wa Nyamagana kuwaunga mkono NBC kwa kufungua akaunti zao kwani Benki hiyo si ya Vigogo kama ilivyotajwa hapo awali, bali ni ya wananchi na inafedha za Serikali na imekuwa mstari wa mbele kurudisha sehemu ndogo ya faida kwenye jamii.