Mkuu wa wilaya akagua Miradi

Posted on: February 11th, 2019

Mkuu wa wilaya ya Nyamagana Mh. Dr. P.Nyimbi ametembelea miradi mbalimbali inayoendelea kutekelezwa na Halmashauri ya Jiji la Mwanza ikiwa ni maandalizi ya Kuupokea Mwenge wa Uhuru unaotarajiwa kuwasili Mkoani Mwanza mapema mwezi Mei mwaka huu 2019 ambapo pamoja na mambo mengine utakagua, kutembelea na kufungua miradi mbalimbali inayotekelezwa na Halmashauri ya Jiji la Mwanza.

Katika ziara hii Dr. Nyimbi ameambatana na Kamati ya Ulinzi na Usalama ya Wilaya pamoja na  timu ya Menejimenti ya Halmashauri akiwepo pia Naibu Mstahiki Meya wa Jiji la Mwanza Mh. Bhiku Kotecha.

Miongoni mwa miradi iliyotembelewa ni pamoja na ujenzi wa Zahanati mbili za kisasa katika kata mbili za Mkuyuni na Kishiri zilizogharimu kiasi cha Millioni 150 kila moja na Ujenzi wa Tanki la maji lililopo kata ya Lwahnima lenye ujazo wa lita laki nne na nusu (450,000) na limegharimu kiasi cha Tshs Bil 2.5 na mara baada ya kukamilika litawezesha upatikananji wa maji katika mitaa yote 18 ya Kata ya Lwahnima.