MKUU WA MKOA WA MWANZA AZINDUA GARI LA CWT

Posted on: July 15th, 2024

Mkuu wa Mkoa wa Mwanza Mhe. Said Mohamed Mtanda leo tarehe 15/7/2024 amezindua gari mpya ya Chama cha Walimu ( CWT ) Tawi la Sengerema lenye thamani ya fedha za Kitanzania milioni 145, uzinduzi huu umefanika katika eneo la Ofisi za Halmashauri ya Jiji la Mwanza.

Akifanya uzinduzi huo, Mhe. Mtanda ameeleza furaha yake kwa Chama cha Walimu Mkoa wa Mwanza kununua gari hilo kwa ajili ya tawi la Sengerema ambalo litaleta tija kwa Chama na wanachama wake; si kwa Sengerema tu bali hata maeneo mengine ya Wilaya za Mkoa wa Mwanza sambamba na kuleta mahusiano mazuri hasa katika michezo ambapo gari hilo litakuwa msaada Zaidi siku ya kilele cha Pamba Day ambapo Mashabiki wa Timu hiyo toka Sengerema watalitumia kuja Mwanza tarehe 10/8/2024 siku ya kuipongeza Timu yao pendwa.

Mhe. Mtanda amehitimisha zoezi hilo kwa kuwataka waajiri katika Wilaya ya Sengerema kuajiri Madereva wenye sifa watakaofanya kazi kwa uhodari kwa manufaa ya Chama cha CWT Wilaya ya Sengerema.