Mkurugenzi wa Halmashauri ya Jiji la Mwanza akutana na wakuu wa shule, maafisa elimu kata pamoja na Watumishi wa jengo kuu la Halmashauri ya jiji la mwanza

Posted on: January 5th, 2018

Mkurugenzi wa Halmashauri ya Jiji la afanya kikao na Watumishi wa Jengo kuu pamoja na wakuu wa Shule na Maafisa Elimu kata lengo kubwa la Vikao hivyo ni kutoa muelekeo wa ufanyaji kazi wa Halmashauri kwa mwaka 2018.

Mkurugenzi amewaagiza Maafisa Elimu kata kusimamia vizuri suala la uandikishaji wa wanafunzi wanaoanza Darasa la Kwanza .

Pamoja na changamoto zinazotukabili za Madarasa " sisi kama Halmashauri kwa kushirikiana na Mkuu wa Wilaya ya Nyamagana pamoja na Mbunge tumeweka weka mikakati ya kuhakikisha tunatatua changamoto hii kwa kuimaliza au kupunguza kwa kiasi kikubwa"

Aidha Mkurugenzi amesisitiza suala la Halmashauri kukusanya mapato katika vyanzo mbalimbali ili kusaidia kutekeleza masuala mbalimbali ya maendeleo.

Pamoja na hilo Mkurugenzi amesisitiza suala la nidhamu  upendo kwa watumishi.

Mwisho Mkurugenzi amesisitiza kuongeza bidii katika utekelezaji wa majukumu ya watumishi ili kuitekeleza vizuri ilani ya chama cha mapinduzi.