MITI ELFU MOJA YAPANDWA LUCHELELE

Posted on: January 27th, 2024

Mhe. Amina Nassoro Makilagi, Mkuu wa Wilaya ya Nyamagana leo tarehe 27 Jan. 2024 ameongoza shughuli ya upandaji miti katika  Shule ya Sekondari  Luchelele na Shule ya Msingi  Luchelele ambapo jumla ya miti 1,000  ikiwemo ya matunda na ya kivuli imepandwa.

Akizungumza katika Shughuli hiyo ya upandaji miti Mhe. Makilagi amesema, ' Leo tunapanda miti hii ikiwa ni ishara ya kumpongeza Mama yetu Samia Hassan Suluhu ambaye leo ni siku yake ya kuzaliwa. Hivyo badala ya kukata keki sisi tunaungana na watanzania  wenzetu  kupanda miti ya matunda na ya kivuli. Miti hii itatusaidia kwa matunda na kivuli na pia kupunguza hewa ya ukaa. "

Naye Ndugu Emmanuel Mgimwa  kutoka TFS  amesema " miti hii ni muhimu  kwetu kwani itawasaidia sana watoto wetu. Kwa hiyo nawashauri  tuilinde  dhidi ya mifugo isiharibiwe. " 

Mhe. Makilagi amehitimisha zoezi hili kwa kuwasisitiza wananchi kutoachia mifugo yao hovyo na kuwataka walimu wakuu wa shule hizo kumkabidhi kila mwanafunzi  mti uliopandwa autunze  siku zote  atakazokuwepo shuleni hapo.