Mhe.Jaffo afurahishwa na usimamizi wa miradi Jijini Mwanza

Posted on: January 5th, 2021

Mhe, Jaffo afurahishwa na usimamizi mzuri wa miradi Jijini Mwanza

Waziri wa Nchi Ofisi ya Rais Tawala za Mikoa na Serikali za Mitaa Mhe. seleman Jaffo amefurahishwa na usimamizi wa miradi mikubwa inayotekelezwa Jijini Mwanza .

Mhe Jaffo amefurahishwa baada ya kutembelea Dampo la kisasa la Buhongwa  lilogarimu  takribani Bilioni Nane pamoja na ujenzi wa Jengo la Kisasa la Abiria katika uwanja wa ndege wa Mwanza litakalogarimu takribani Bilioni 14

Akiwa kwenye Dampo la Buhongwa Mhe Jaffo amesema " Kwa kweli Mwanza mmefanya vizuri katika utekelezaji wa mradi huu Dampo ,kilichobaki ni kulitunza Dampo hili liweze kudumu kwa miaka iliyokusudiwa, tunzeni sana mitambo hii kwa kuihudumia ili iweze kufanya kazi " Amesema Mhe.Jaffo.

Aidha Mhe Jaffo amesema baada ya kumalizika jengo la Abiria katika Uwanja wa ndege  atamuomba Mhe Rais Magufuli kuja kulifungua jengo hilo kwani kujengwa kwa jengo hilo ni ndoto ya Mhe Dkt Magufuli.

Jengo hilo abiria linauwezo wa kuhudumia watu 1000, kwa siku na watu  400,000 kwa mwaka .