KERO ZA WANANCHI KUSIKILIZWA IGOMA

Posted on: July 16th, 2024

 Mkuu wa mkoa wa Mwanza , Mhe. Said Mtanda amefanya ziara ya kusikiliza kero za wananchi July 16, 2024 katika eneo la Igoma kati kwa lengo la kuzitatua na kufanyia utafiti zile zinazohitaji utafiti ili nazo zipatiwe majibu.

Mhe. Mtanda amewaeleza Wananchi kuwa changamoto zote watakazozitoa zitatatuliwa kwa kuwa ameambatana na wataalamu na lile litakalokuwa likimuhusu atalitolea ufafanuzi kwani anayomamlaka ya kufanya hivyo kama Mkuu wa mkoa Mwenye dhamana.

Akiendelea na zoezi la kukiliza kero za Wananchi Mhe. Mtanda amemuagiza RPC  Mtafungwa kumchukulia hatua za kinidhamu Afande witness wa kituo cha Ndofe Igoma kwa kosa la kumuweka Ndani  Ndg. Gradness Nestory pasipo na hatia na kuhusu hasara ya mpunga kuharibika, mhusika mwenyewe afungue kesi ya madai Mahakamani ili haki ya madai yake ipatiwe ufumbuzi.

Aidha Mhe. Mtanda amempongeza  Mhe. Mbunge wa Nyamagana na Diwani wa Igoma  kwa kueleza kwa uwazi jinsi miradi ya maendeleo inavyotekelezwa Mkoani Mwanza huku akieleza kwa kina juu ya utendaji kazi wa Mhe. Dkt. Samia Suluhu Hassan Rais wa awamu ya sita wa Jamuhuri Ya Muungano wa Tanzania; wao wakiwa wasimamizi wa miradi hiyo, na Igoma ikiwa ni moja ya wanufaika.

Mkuu wa Mkoa wa Mwanza Mhe. Said  Mtanda amehitimisha kwa kuwaagiza baadhi ya wakazi waliyofika na kutoa kero zao kufika Ofisi ya Mkuu wa Mkoa siku ya Juma nne kwa mazungumzo zaidi ili kutafuta suluhisho zaidi kwa kero zao.