Kampuni ya ujenzi ya STC yakabidhi milioni tano na kuhaidi matofali 3000 shule ya Sekondari Sahwa

Posted on: April 3rd, 2020

Kampuni ya Ujenzi ya  STC kupitia Mkurugenzi wake Ndg. Allan Makame hivi leo imekabidhi Tsh. 5,000,000.00 fedha taslimu kwa Mkuu wa wilaya ya Nyamagana Dkt. Philis Nyimbi pamoja na Ahadi ya Matofari 3,000 Kwaajili ya kuendeleza Ujenzi wa vyumba sita vya madarasa katika Shule ya Sekondari Sawah iliyopo Kata ya Lwanimah katika Halmashauri ya Jiji la Mwanza  inayojengwa kwa nguvu za wananchi.

Akipokea msaada huo Dkt. Nyimbi Mkuu wa Wilaya ya Nyamagana amepongeza Kampuni hiyo kwa msaada huo na kuwataka wawekezaji wengine kuiga mfano huo.  Kadharika amepongeza ushiriki wa Mbunge na Diwani Kata ya Lwanimah pamoja na  wananchi katika kuweka nguvu UJenzi wa Madarasa Kumi shule ya Swah, ikiwa manane yamekwisha kamilika na sita yapo katika hatua ya Msingi.

Naye Mwakilishi wa Mhe. Stansalaus Mabula Mbunge Jimbo la Nyamagana, Bi. Florah Magabe amepongeza Kampuni ya Ujenzi ya STC kwa kutimiza matakwa ya sheria yauwekezaji kurejesha sehemu ya fedha katika Jamii waliyowekeza kwa vitendo ambao utakuwa chachu katika kupunguza uhaba wa vyumba vya madarasa  na kuwezesha kkukamilisha madarasa 10 ya shule hiyo.

Naye Bw. Allan akikabidhi fedha hiyo amesema anashukuru kwa Mbunge Jimbo la Nyamagana Mhe. Mabula kuwa mstari wa mbele kufuatilia kwa ukaribu utekelezaji wa Mradi wa UJenzi wa Tank Lwanimah na kuhaidi Maji kutoka wiki ijayo. Hivyo Kampuni yake imewiwa kutoa mchango ikiwa Ni sehemu ya kushiriki shughuli za kijamii Nyamagana  kutokana na kufanya kazi vizuri na uongozi wa Nyamagana.  

Hafla hiyo ya Makabidhiano hayo imefanyika katika ofisi ya Mkuu wa Wilaya ya Nyamagana na kuhudhuriwa na Diwani na Mtendaji Kata ya Lwanimah, Uongozi wa CCM Kata, Afisa Elimu Kata, Katibu Tawala Wilaya pamoja na Katibu Tarafa Nyamagana.