Kamati ya Fedha na Uongozi ya Halmashauri ya Jiji yatembelea miradi

Posted on: August 27th, 2021

Kamati ya Fedha na Uongozi ya Halmashauri ya Jiji la Mwanza yafanya ziara kukagua utekelezaji wa miradi ya maendeleo kwa Robo ya Nne.

Kamati hiyo ikiongozwa na Mstahiki meya wa Jiji la Mwanza Mhe. Sima C.Sima wametembelea eneo la Tampere, ujenzi wa Soko kuu la kisasa, ujenzi wa jengo la kupumzikia wagonjwa Hospitali ya wilaya, ujenzi wa jengo la chanjo Hospitali ya wilaya ,Ujenzi wa madarasa matatu shule ya Msingi Buhongwa , ujenzi wa maabara shule ya sekondari Igoma.

Kwenye ziara hiyo Mstahiki meya ameagiza watalaamu kuhakikisha kila eneo linalomilikiwa na Halmashauri linakuwa na hati.

Aidha Mhe Sima ameipongeza kamati ya Ujenzi wa madarasa ya shule ya Msingi Buhongwa kwa kazi nzuri wanayoifanya kila wanaposimamia ujenzi wa miundo mbinu ya shule. Sambamba na hilo Mhe Sima ameipongeza pia kamati ya ujenzi ya shule ya Sekondari Igoma kwa kukamilisha maabara ya kisasa katika shule hiyo.