Halmashauri ya Jiji la Mwanza yamwagiwa sifa utekelezaji wa mradi wa Anwani za makazi

Posted on: April 8th, 2019

Halmashauri ya Jiji la Mwanza imepongezwa na ujumbe kutoka wizara ya Ujenzi mawasiliano na uchukuzi kwa namna wanavyotoa ushirikiano kwa wizara husika katika utekelezaji wa mradi wa anwani za makazi.

Hayo yamesemwa leo na ujumbe kutoka wizara ya Ujenzi ,uchukuzi na mawasiliano uliongozwa na Naibu Katibu Mkuu Dkt Yonaz Jimmy.

Aidha Dkt Jimy amesema kukamilika kwa mradi huu kutaifungua Dunia, kurahisisha shughuli za biashara za mtandao,utoaji wa huduma hata pia kuimarisha suala la usalama.

Akizungumza kwa niaba ya Halmashauri Mkurugenzi wa Jiji la Mwanza Kiomoni Kibamba amesema mradi  huu utakamilika kwa wakati na wala hana shaka na hilo.

" Mwanza huwa hatuna longolongo katika utekelezaji wa miradi na kwa time yangu  hii nina imani kubwa suala hili litakamilika kwa muda"

Mpaka sasa jumla ya nguzo 400 na mbawa 700 zimekwishapokelewa na Halmashauri kwa ajili ya kusimikwa mitaa mbalimbali