DC NYAMAGANA AWATAKA WAZAZI KUPELEKA WATOTO SHULE

Posted on: January 16th, 2025

Mkuu wa Wilaya ya Nyamagana Mhe. Amina Nassor Makilagi amefanya ziara Januari 16,2024 katika shule za Msingi,  kukagua hali ya uandikishaji  watoto wa awali na msingi na kufanya tathimini ili kila mtoto apate haki yake ya msingi ya kusoma.

Mhe, Makilagi akizungumza katika Shule ya Msingi  Ng’wang’haranga iliyopo kata ya Buhongwa amesema kwa upande wa Nyamagana makadilio ya watoto wa awali ni 11,000 na waliyokwisha jiandikisha ni 45% na 15000 darasa la Kwanza  sawa na asilimia 87% huku akiwataka wazazi kuendelea kuwaandikisha watoto shule hata kama hawana sale za shule.

Naye Mkuu wa Shule ya Msingi na Awali  Ng’wang’haranga Ndg, Donald Chakachaka kwa upande wake anasema shule yake  inajumla ya wanafunzi 1349 na tayari imevuka malengo kwakuwa wameandikisha watoto 236 wa msingi na awali 136 wav 60 na was 76 huku akisema mazingira wezeshi ya kujifunzia na Matokeo mazuri ndiyo  yameleta mwamko kwa wazazi kuwaandikisha watoto.

Mkuu wa wilaya alimaliza kwa kutoa lai kwa wazazi kuhakikisha hadi kufikia tarehe 25/01/2025 wawe tayari wamewaandikisha watoto wenye umri wa kwenda shule na kwa atakayekiuka agizo hilo sheria itachukua mkondo wake.